Trend-in Sinxua agentliyinə istinadən verdiyi məlumata görə, Almaniya hökuməti uşaqlar üçün artıq istifadə edilən qrip peyvəndinə bənzər COVID-19-a qarşı burun peyvəndinin hazırlanmasını maliyyələşdirəcək.
Təhsil və Tədqiqat Naziri Bettina Stark-Watzinger cümə axşamı "Augsburg Zeitung" qəzetinə verdiyi açıqlamada peyvəndin burun selikli qişasına sprey vasitəsilə birbaşa tətbiq edildiyindən, "insan bədəninə daxil olduğu yerdən təsirə keçəcəyini" bildirib.
Stark-Watzingerin sözlərinə görə, Münhen Universitet Xəstəxanasındakı tədqiqat layihələri ölkənin Təhsil və Tədqiqat Nazirliyindən (BMBF) təxminən 1,7 milyon avro (1,73 milyon dollar) maliyyələşdiriləcək.
Layihə rəhbəri Josef Rosenecker izah etdi ki, peyvənd iynəsiz vurula bilər və buna görə də ağrısızdır. Həmçinin tibb işçilərinə ehtiyac olmadan da vurula bilər. Stark-Watzinger bildirib ki, bu amillər xəstələrin peyvənd almasını asanlaşdıra bilər.
Almaniyada 18 yaş və yuxarı 69,4 milyon yetkinin təxminən 85%-i COVID-19-a qarşı peyvənd olunub. Rəsmi rəqəmlər göstərir ki, insanların təxminən 72%-i bir dəfə gücləndirici peyvənd, təxminən 10%-i isə iki gücləndirici peyvənd alıb.
Çərşənbə günü Səhiyyə Nazirliyi (BMG) və Ədliyyə Nazirliyi (BMJ) tərəfindən birgə təqdim edilən ölkənin yeni infeksiyadan qorunma qanun layihəsinə əsasən, qatarlarda və xəstəxanalar kimi müəyyən qapalı məkanlarda.
Ölkənin federal ştatlarına məktəblər və uşaq bağçaları kimi dövlət müəssisələrində məcburi testlərin keçirilməsini əhatə edə biləcək daha əhatəli tədbirlər görməyə icazə veriləcək.
Səhiyyə naziri Karl Lauterbax layihəni təqdim edərkən bildirib ki, "Əvvəlki illərdən fərqli olaraq, Almaniya növbəti COVID-19 qışına hazırlaşmalıdır". (1 avro = 1,02 ABŞ dolları)
Yazı vaxtı: 05 Avqust 2022